البدايه
غالباً ما بيبدأ التعارف بكلمه " هاى " طبعا للبنت
"هاااااااااااااااااااااااى" للولد
-شفت رقه البنات- ...
ويابخته اللى دمه خفيف بيترد عليه من اول كلمه يكتبها .. -اشطه عليه-
وناس يجلها احبااااااط وتكره الروم باللى فيها ، واكتر حاجه تكرهها فى الوقت ده " البنات" عشان محدش بيعبره .
- وياإما ينسحب بكرامته او ينزل تهزيئ فالبنات على الخاص او العام
نرجع بقى للى ربنا كرمه واتعرف ببنوته حلوة زي القمر
طبعا الناس العادبه الغلابه
يبدأ يقلها انا اسمى فلان " وانت اسمك ايه؟
تقوله ....."طبعا اسم غريب بس رنته حلوة غالبا بيكون من 3 لـ 4 حروف وتحسه اسم نبات ولا ورده متعرفوش ده جه منين "
يروح يرد عاشت الاسامى
زمان كانت الناس تخاف تقول اسمها دلوقت عادى "
وبدرس في كذا او بشتغل فى كذا وفى ناس بطنش تقول هيا منين منعاً لاحرااج او تألف -ولو من غير اسامى يبقى أحلى-
ولما تقوله على عمرها 76 سنه يجري يقولها ربنا يديكى طوله العمر
يسلام على الزوق
يوصل بقى لمرحله ان لسانه اتعقد ومش عارف يقول ايه بعد كده ويسلام على البنت لو تنقذه وتفتح معاه حوار
بس غالبا ما بيكونو "حيطه"
يروح لخطه ب :
روميو : ممكن اسألك سؤال ؟
طبعا طنط حسنا حتقوله اتفضل
يستغل الفرصه ويجيب سيره الحب
وكل قصه ليها بدايه ونهايه الا الحب ليه بدايه بس
وهتك يا قصص وتجارب واللى مجروح كل الناس- مجروجه امال مين الجارح متعرفش-
واللى حبيبها سابها واللى طلع ندل ، وبالنسبه ليه اللى خانته واللى سابته بدون اسباب مقنعه .. وى ووى
قصص متنتهيش
وفى الاخر لاما يعمل فيها سيد العاطفى ويقولها كلمتين حلوين خلي بالك من نفسك وكلام من ده عشان يطلب طبعا – بيمهد-
اتمسكن لغايه ما تتمكن
رميو : ممكن طلب ؟
تقله ست حسنا : اتفضل
يقلها ممكن ايميلك لو هيا ذكيه تقوله هات ايميلك انت وانا اضيفك وتزحلقه
او تقوله معنديش بس قدمت
ويبقى غبي لو طلب نمرتها من اول كلام بينهم المفروض يستنى لـ3 مره على الاقل لغايه على ما يكون فيه ثقه
فى الاول الولد بيكون متحمس ويقعد يقنع فيها ويعمل فيها دور البرئ لغايه ما ياخد الرقم حتحصل حاجه من الاتنين :
لاما حيتصل وحيزن كل شويه يديها تلفون طبعا عشان يرسم على اصحابه انه بيكم بنات وهما المتلزقين فيه
لاما حيكلمها مره ويكتفى بالرنات والمسجات
عامه مافيش صداقه بدووووم ابداً
البنت وحيجلها يوم وتتخطب ده اذا محصلتش مشاكل قبل كده وحتبعد حبه حبه
حتلاقيها بطلت تدخل على النت
واذا رنيت عليها تطنش ومره على مره -القلوب بتبعد لغايه القرار الصعب
ان حد يحذف ايميل التانى من عنده
وغالبا بيكون الولد- شفتو احسنا مساكين ازاي -
..........................................................
...................................................
...................................
................
وللموضوع بقيه
هذا الموضوع مكتوب بواسطة احد اعضاء المدونه
